Gossip Lanka News

ක‍්‍රිකට් ක‍්‍රීඩාව පසුබිම් කරගෙන නිර්මාණය වූ ප‍්‍රථම සිංහල සිනමා නිර්මාණය වන ‘‘සිංහාලෝකනය” චිත‍්‍රපටයේ පූර්වදර්ශන පටයක් නිකුත් වී ඇත. ක‍්‍රිකට් ක‍්‍රීඩාවේ ආරම්භක අවදියෙන් ඇරැුඹෙන මෙම චිත‍්‍රපටයේ නිමාව සනිටුහන් වන්නේ වර්තමානයෙනි.

1947 වර්ෂයේ නොවැම්බරයේ එක් ඉරිදාවක නිල්ල පිරුණු වටපිටාවක විනෝදය පිණිස පන්දු ගැසූ තරුණයින් දුටු විදේශික පිරිසක් ගැමියන් උපහාසයට ලක් කර ඔවුන් හා ක‍්‍රිකට් තරගයක් පවත්වන අතර, ගැමියන් හා තරග වදින විදේශිකයන් ඔවුන් ව පරදවයි. අද්භූත බලවේගයක් හරහා අනාගතයේ නගරයට යන මෙම ගම්බද පිරිස එහිදී තරග කර සුදු මහත්වරුන්ගේ පිල පරදා නැවත ගම රට පැමිණෙයි.

ආධුනික නළු නිළි යුවළක් වන රයිනි චාරුකා හා ඩිලෝන් ජයසිංහ මෙහි ප‍්‍රධාන චරිත යුගලයට පණපොවන අතර, ජනප‍්‍රිය ක‍්‍රිකට් ක‍්‍රීඩක තිලකරත්න දිල්ශාන් ද මෙම චිත‍්‍රපටයේ පෙනී සිටියි.

සුනෙත් මාලිංග ලොකුහේවා ගේ කළුඳුල් අධ්‍යක්ෂණය වන ”සිංහාලෝකනය”, 2011 ජනවාරි මස 14 දා සිට සැවොයි, නුගේගොඩ ක්වින්ලන් හා ජා ඇල සිනමැක්ස් සිනමාහල්වලදී තිරගත වීමට නියමිතයි.