සියලූම පළාත් පාලන ආයතන ජනවාරි 10 වැනිදා විසිරුවා හැරීමට තීරනය කර ඇතැයි රජයේ අභ්‍යන්තර ආරංචි මාර්ග සදහන් කළා. ඒ අනුව පළාත් පාලන මැතිවරණය මාර්තු 15 වැනිදාට පෙර පැවැත්වීමටයි තීරණය කර ඇත්තේ. මේ අතර, ඉදිරි පළාත් පාලන මැතිවරණයේ දී එක්සත් ජනතා නිදහස් සන්ධානය සියලූ පලාත් පාලන ආයතන සඳහා තරග කිරිමට තීරණය කර තිබෙනවා. ආණ්ඩු පක්ෂය නියෝජනය කරන සියලූම පක්ෂවල නායකයන් හා ජනාධිපති මහින්ද රාජපක්ෂ අතර අද පෙරවරුවේ අරලියගහ මන්දිරයේ පැවැති විශේෂ සාකච්ඡාවේදී මෙම තීරණය ගත් බව සදහන්. ඊට අමතරව දැනට නිදහස් සන්ධානය නියෝජනය කරමින් පළාත් පාලන ආයතනවල මන්ති‍්‍රධුර හොඹවන පුද්ගලයින්ට ද ඉදිරි මැතිවරණයේදී අපේක්ෂකත්වය ලබාදීමට තීරණය කර ඇති බවයි වාර්තා වෙන්නේ. ඔවුන් ඇතුළු අපේක්ෂකයින් පළාත් පාලන මැතිවරණයට ඉදිරිපත් වීම සඳහා ජනවාරි මස 05 වැනිදාට පෙර අයදුම් කළ යුතු බවයි මෙම සාකච්ඡාවේදී තීරණය කර ඇත්තේ. මේ වන විට සන්ධානයේ නාමයෝජනා ජාතික කමිටුව, හා දිස්ති‍්‍රක් කමිටු පත්කර අවසන් බවද මෙම සාකච්ඡාවේදී අනාවරණය වුණා.
Post a Comment