එක්සත් ජාතික පක්ෂය 17 වැනි වරටත් පරදිනවාද නැද්ද යන්න තීරණය කිරීමට සිදුව ඇති අවස්ථාව එළඹ ඇතැයි එම පක්ෂයේ පාර්ලිමේන්තු මන්ත්‍රී බුද්ධික පතිරණ මහතා පවසයි.
එක්සත් ජාතික පක්ෂය මෙතරම් දීර්ඝ කාලයක් විපක්ෂයේ රැඳී සිට නොමැති බව මන්ත්‍රීවරයා පෙන්වා දෙයි.
ගම්පහ දිස්ත්‍රික් එක්සත් ජාතික පක්ෂ තරුණ හමුව අමතමින් බුද්ධික පතිරණ මහතා, මීළඟ නායකත්වයට සජිත් ප්‍රේමදාස මහතාට ඇති සුදුසුකම් සම්බන්ධයෙන් ද අදහස් පළ කළේය.
සජිත් ප්‍රේමදාස මහතා තවමත් තරුණ වයසේ පසුවන බව ඇතැමුන් පවසන බවත්, ඔහුගේ අත්දැකීම් ගැන ඇතැමුන් විමසන බවත් එම ප්‍රකාශ පදනම් විරහිත බවත් එහිදී ඔහු සඳහන් කළේය.
බරපතල දර්ශනයන් සහ න්‍යායන් තමාගෙන් බලාපොරොත්තු නොවන ලෙස එම අවස්ථාවට එක්වෙමින් අදහස් දැක්වු සජිත් ප්‍රේමදාස මහතා ප්‍රකාශ කළේය.
පොදු මහ ජනතාවගේ බඩට, කටට, හදවතට දැනෙන දේශපාලනයක්, ඇස් දෙකට පෙනෙන සංවර්ධනයක් හා කන් දෙකට ඇහෙන සංවර්ධනයක් යන්න තමන් විශ්වාස කරන දේශපාලනය බව ඔහු වැඩිදුරටත් පෙන්වාදුන්නේය.
Post a Comment